სამსახურში აყვანის პროცესი

თუ გსურთ, გახდეთ ჩვენი გუნდის წევრი, გთხოვთ, გაეცნოთ ქვემოთ მოცემულ პროცედურას:

განაცხადის ფორმა

კომპანიაში არსებული ვაკანტური პოზიციით დაინტერესების შემთხვევაში, ეწვიეთ ჩვენს ვებგვერდს:WWW.CREDO.GE გადადით კარიერის ველში, შემდეგ კი ვაკანსიების ჩამონათვალში და შეავსეთ განაცხადის ფორმა, ან შევსებული სააპლიკაციო ფორმა მოიტანეთ კრედო ბანკის ნებისმიერ ოფისში.

ტესტირება

იმ შემთხვევაში, თუ თქვენ აკმაყოფილებთ კონკრეტულ ვაკანსიაზე არსებულ საკვალიფიკაციო მოთხოვნებს, თქვენ მიიღებთ მოკლე ტექსტურ შეტყობინებას (sms), ტესტირების თარიღისა და დროის შესახებ. ტესტირება ინდივიდუალურია პოზიციების მიხედვით. აპლიკანტთა უმეტესობა წერს ტესტს ზოგად უნარებში, ხოლო გარკვეულ პოზიციებზე უნარების ტესტთან ერთად ტარდება პროფესიული ტესტირებაც.

გასაუბრება

ტესტირებაში დამაკმაყოფილებელი ქულის მიღების შემთხვევაში, თქვენ გაივლით გასაუბრებას.

შედეგები

წარმატებულ კანდიდატებს ვუკავშირდებით გასაუბრებიდან ერთი კვირის განმავლობაში, მას შემდეგ, რაც შერჩევის ყველა ეტაპის წარმატებით გავლის შემთხვევაში სამუშაო პირობები შეთანხმდება კომპანიის მენეჯმენტთან.

საკადრო რეზერვი

თუ თქვენ წარმატებით გაიარეთ ტესტირება და მოხვდით გასაუბრებაზე, თქვენი კვალიფიკაცია და უნარები შეესაბამება კრედოს მოთხოვნებს, თუმცა იმ ეტაპისთვის საჭირო არ არის დამატებითი კადრები, თქვენ ავტომატურად ხვდებით საკადრო რეზერვში. ყველა დარეზერვებული აპლიკანტი მიიღებს ინფორმაციას, რეზერვში მოხვედრის თაობაზე. საჭიროების შემთხვევაში, ხდება რეზერვის დასაქმება.